Hausten 2010 tok ekteparet Jon Skjerdal og An-Magritt Lindtner over det nedlagde geitebruket Nigarden, i grenda Skjerdal i Aurland kommune. Ønskjet var å ta vare på dei vakre, gamle uthusa, som stod som minner frå ei svunnen tid. Denne prosessen er me godt i gang med! Me ville også formidle grenda sin eigenart og kulturhistorie til gjester og besøkande frå fjern og nær. Difor såg Skaldegard dagens lys sommaren 2017. Den vakre garden skal vere ein stad for nyting, avslapping, undring, læring, historieforteljing og guiding – alt innpakka i dei dramatiske omgjevnader som Sogn kan by på. Velkomen på besøk!

Å velje ein guida tur hjå oss inneber å komme tett på ei tilnærma autentisk oppleving. Fordi me fyrst og fremst tek i mot små grupper, så får ein moglegheit til å komme tett på vertskapet.

Kulturlandskapet og utsikten i Skjerdal er usedvanleg vakker. Utan blygsel seier me at gjestene våre risikerer å verte trollbundne! Me er lokalkjende, begeistra og full av formidlingsglede. Humor og latter sit laust – og du kan spørje om mest kva som helst. Me tilpassar oss gjestenes interesser for å gje ei skikkeleg god oppleving, der underhaldning og kunnskap går hand i hand. Me kan lova ei uforgløymeleg stund – langt unna mas og skrål. Velkomen til ei perle av ei oppleving!